OYU - loader

Azərbaycan Respublikasının Gənclər Fondunun maliyyə dəstəyi ilə XI Qrant müsabiqəsində qalib gələn “Azərbaycan 100” reallıqlar faktlar layihəsinin icrası baş tutmuşdur

Odlar Yurdu Universitetində Azərbaycan Respublikasının Gənclər Fondunun  maliyyə dəstəyi ilə XI Qrant müsabiqəsində qalib gələn “Azərbaycan 100” reallıqlar faktlar layihəsinin icrası baş tutmuşdur

Layihənin açılış mərasimi 7 yanvar 2019-cu il tarixində  keçirildi. “Azərbaycan 100”  layihəsinin  rəhbəri olan Aytac Sarıyeva  layihəni öz çıxışla açıq elan edərək , layihə haqqında ətraflı məlumat verərək bildirdi ki, “Azərbaycan 100” layihəsi Azərbaycan Xalq Cümhuriyyətinin 100 illiyinə həsr olunmuşdur və intellektual yarışma formatında keçirilməsi nəzərdə tutulub. Layihənin dörddə bir mərhələsi 10 yanvar 2019-cu il tarixində baş tutdu.Yarışda müxtəlif universitet və kollecləri təmsil edən 18 komanda iştirak etdi və onlardan yalnız 10-u yarımfinala vəsiqə qazadı. 14 yanvar 2019- cu il tarixində layihənin yarımfinal mərhələsi baş tutdu. Yarışda ümumi 10 komanda iştirak etdi. Onlardan yalnız 5-i Odlar Yurdu Universiteti, Bakı Dövlət Universiteti,Azərbaycan Memarlıq və İnşaat Universiteti, Azərbaycan Dillər Universiteti, Azərbaycan Kooperasiya Universitetinin komandaları finala vəsiqə qazandılar. Yarışın final mərhələsi 16 yanvar 2019-cu il tarixində baş tutdu. Final mərhələsində beş universitet mübarizə apardı onlardan yalnız üçü qalib gəldi Yarışın qalibləri I yer Bakı Dövlət Universitetinin “Qladius” komandası, II yer Azərbaycan Kooperasiya Universitetinin “Coop” komandası, III yer  Odlar Yurdu Universitetinin “Los Venqadores” komandası  oldu. Qaliblərin mükafatlanması 18 yanvar 2019-cu il tarixində  “Azərbaycan 100”   layihəsinin bağlanış mərasimində baş tutdu. Qaliblər  layihə rəhbəri Aytac Sarıyeva tərəfindən sertfikatlarla və Odlar Yurdu Universitetinin rektoru professor Əhməd Vəliyev tərəfindən kubok və fəxri fərmanlarla təltif olundular.