Struktur

Haqqımızda

Odlar Yurdu Universitetimiz 1995-ci ildə yaranmışdır. Nazirlər Kabineti yanında yaradılmış Dövlət Ali Ekspert komissiyasının 10.11.1995-ci il tarixli müsbət rəyi əsasında və Azərbaycan Respublikası Nazirlər Kabinetinin 8 iyul 1996-cı il tarixli, 86 saylı qərarı ilə dövlət qeydiyyatından keçmişdir. Universitet gənc dövlətimiz üçün yüksək ixtisaslı mütəxəssislər hazırlamağı əsas vəzifə kimi qarşıya məqsəd qoymuşdur.

Universitetdə tədris prosesini yüksək səviyyədə qurmaq üçün bu işə yüksək ixtisaslı tanınmış alimlər, təcrübəli müəllimlər cəlb edilmişdir. Onlardan 2 nəfəri Azərbaycan Milli EA-nın müxbir üzvü, 19 nəfəri elmlər doktoru və professor, 72 nəfər elmlər namizədi və ya fəlsəfə doktoru, dosent, baş müəllim və müəllimdir.

Universitetin müasir tələblərə cavab verən maddi-texniki bazası, ixtisaslar üzrə müasir avadanlıqlarla təmin edilmiş geniş və işıqlı mühazirə və məşğələ auditoriyaları, laboratoriya və fənn kabinetləri, akademik Zərifə Əliyeva adına tibb muzeyi, texnopark, 600 nəfərlik müasir formalı akt zalı, 200 nəfərlik konfrans zalı, yeni modelli kompüterlərlə təchiz olunmuş kompüter zalları, dünyanın qabaqcıl kitabxanaları ilə İnternet əlaqəsi saxlamaq imkanı verən 300 nəfərlik oxu zalına malik elektron kitabxanası, böyük oxu zalı, elektron lövhələrlə təhciz olunmuş auditoriyaları, yeməkxanaları, idman zalları, tibb məntəqəsi, stadionu və s. vardır.