Riyaziyyat və rəqəmsal texnologiyalar
Kafedra “Riyaziyyat” və rəqəmsal texnologiyalar” bölmələrindən ibarətdir. Kompüter texnologiyalarının sürətli inkişafı və riyaziyyatın ənənəvi istiqamətlərindən (nüvə fizikası, riyazi fizika və mexanikanın saysız tənlikləri, iqtisadiyyat, kimya, biologiya, geologiya, astronomiya, ekologiya və s.) fərqli tətbiq sahələrinin əhəmiyyətli dərəcədə artması bu prosesin kəsilməz davam etməsinə səbəb olmuşdur. Kafedra, ölkəmizin strateji maraqlarına və əmək bazarının tələblərinə uyğun müasir sahələr üzrə yüksək səviyyəli mütəxəssislər hazırlayır. Kafedranın məqsədi riyaziyyatın tətbiq sahələrinə yönəlmiş və kompüter texnologiyaları üzrə tələbələrin peşəkar bilik və bacarıqlarını müasir tədris metodlarından istifadə edərək inkişaf etdirməkdir.
Kafedranın qısa tarixi
• Riyaziyyat bölməsi
1995-ci ildə (Odlar Yurdu Universiteti təsis olunandan) “Riyaziyyat, fizika və informatika” kafedrası yaradılmışdır. 1995-2017-ci illərdə kafedraya fizika-riyaziyyat elmləri doktoru, professor Əhməd Abdulkərim oğlu Vəliyev rəhbərlik etmişdir.
2017-2024-cü illərdə kafedraya fəlsəfə elmləri namizədi, professor Mübariz Baləli oğlu Vəliyev rəhbərlik etmişdir. 2019-cu ildən kafedra iki hissəyə bölünərək “Riyaziyyat və informatika” və “İT mühəndisliyi və texniki fənlər” kafedrası adı altında fəaliyyətini davam etdirmişdir. 2022-ci ildən “Riyaziyyat və informatika” kafedrasının adı dəyişdirilərək “Riyaziyyat, informatika və statistika” adlandırılmışdır.
• Rəqəmsal texnologiyalar bölməsi
2019-cu ildən “Ümumi texniki fənlər” kafedrasına professor Etibar Rzazadə rəhbərlik etmişdir.
2021-2023-cü illərdə kafedraya dosent Rahib İmamquliyev rəhbərlik etmişdir.
2023-2024-cü illərdə kafedraya professor Xəlil İsmayılov rəhbərlik etmişdir.
2024-cü ildən “Riyaziyyat, informatika və statistika” və “İT mühəndisliyi və texniki fənlər” kafedraları birləşərək “Riyaziyyat və rəqəmsal texnologiyalar” kafedrası adlandırılmışdır. Həmin ildən kafedraya AMEA-nın müxbir üzvü, fəlsəfə elmləri doktoru, professor Bilal Telman oğlu Bilalov rəhbərlik edir.
“Riyaziyyat və rəqəmsal texnologiyalar” kafedrasında 1 nəfər AMEA-nın müxbir üzvü-professor, 4 nəfər professor, 7 nəfər dosent, 1 nəfər baş müəllim, 13 nəfər müəllim olmaqla 25 əməkdaş ştatda və 10 nəfər saathesabı müəllim fəaliyyət göstərir.
Kafedranın ixtisasları:
(Bakalavr)
• Kompüter mühəndisliyi
• İnformasiya texnologiyaları
• İnformasiya təhlükəsizliyi
(Magistr)
• İdarəetmədə informasiya sistemləri
• Kompüter mühəndisliyi
Doktorantura
• Sistemli analiz, idarəetmə və informasiyanın işlənməsi
Kafedrada tədris olunan fənlər (Baza fənləri)
Bakalavr
Riyaziyyat bölməsi
• Riyazi analiz
• Xətti cəbr
• Analitik həndəsə
• Differensial tənliklər
• Ehtimal nəzəriyyəsi
• Riyazi statistika
• Diskret riyaziyyat
• Ekonometrika
Rəqəmsal texnologiyalar bölməsi
• İKT kompüter baza bilikləri
• Təhsildə İKT
• Ümumi informatika kursu
• Kompüter mühəndisliyinin əsasları
• Kompüter sistemlərinin təhlükəsizliyi
• Proqramlaşdırmanın əsasları
• Verilənlər elmi (Data Science)
• Əməliyyatların tədqiqi
• Kibertəhlükəsizliyin əsasları
• Qeyri-səlis məntiq və qərar qəbuletmə
Magistr
Rəqəmsal texnologiyalar bölməsi
• Müasir obyektyönlü proqramlaşdırma sistemləri
• İnformasiya təhlükəsizliyinin müasir problemləri
• Kriptoqrafiya və autentifikasiya
• Kompüter mühəndisliyində HARD və SOFT problemlər
• Riyazi modelləşdirmə
Kafedranın elmi maraq dairəsi
• Differensial tənliklərin həllolunma problemləri
• Approksimasiya
• Freym nəzəriyyəsi
• Veyvlet analiz
• Bazis nəzəriyyəsi
• Differensial operatorların spektral nəzəriyyəsi
• Siqnalların emalının riyazi metodları
• Kibertəhlükəsizlik
• Kvant hesablamaları
• Qeyri-səlis məntiq
Kafedranın elmi seminarları
• Mövzu: “Qeyri-harmonik analiz və differensial tənliklərin həllolunma problemləri”
Keçirilmə tarixi: hər həftənin 3-cü günləri. saat 12.00. (auditoriya № 409)
• Mövzu: “Siqnalların riyazi emalı problemləri və identifikasiya məsələlərinə tətbiqi”
Keçirilmə tarixi: hər həftənin 5-ci günləri. saat 13.00. ( auditoriya № 01KM).
