Odlar Yurdu Universitetində universitetlərarası görüş keçirildi

Odlar Yurdu Universitetində Tələbə Həmkarlar İttifaqı Komitəsinin təşəbbüsü ilə universitetlərarası əməkdaşlığın inkişafına həsr olunmuş görüş keçirilmişdir.

Görüşdə Odlar Yurdu Universiteti ilə Azərbaycan Kooperasiya Universiteti Tələbə Həmkarlar İttifaqı Komitələrinin əsas heyət üzvləri iştirak etmişdir. Tədbirin əsas məqsədi universitetlərarası əməkdaşlığın gücləndirilməsi, tələbələrin sosial mühitdə inkişafının dəstəklənməsi və qarşılıqlı təcrübə mübadiləsinin aparılması olmuşdur.

Görüş çərçivəsində tələbə təşkilatlarının fəaliyyəti, birgə layihələrin həyata keçirilməsi imkanları və gələcək əməkdaşlıq perspektivləri müzakirə olunmuşdur. Eyni zamanda, tədbir zamanı qarşılıqlı əməkdaşlığın inkişafına verdikləri töhfəyə görə tərəflər arasında təşəkkürnamələr təqdim olunmuşdur.

Görüş iştirakçılar tərəfindən maraqla qarşılanmış və səmərəli müzakirələrlə yadda qalmışdır.