OYU-nun Filologiya və humanitar fənlər kafedrasının müəllimi, fil.ü.f.d. Nuridə Muxtarzadənin elmi-metodiki seminarı keçirilmişdir

Odlar Yurdu Universitetinin Filologiya və humanitar fənlər kafedrasının müəllimi, f.ü.f.d. Nuridə Zabit qızı Muxtarzadənin “Tənzimat dövrü Türkiyə ədəbiyyatı. Yeni türk ədəbiyyatının formalaşması və inkişafı” mövzusunda elmi-metodiki seminarı keçirilmişdir.
Seminarda kafedranın müdir müavini, dos. Osman Musayev və kafedranın professor-müəllim heyəti iştirak etmişdir.
Tədqiqatçı dövri mətbuatın, maarifin genişlənməsi, yeni məktəblərin açılması, Avropa ölkələrindəki kəşflərin, ixtiraların Türkiyədə yayılması ilə yeni bir dövrün başlaması üçün şərait yaranmasından bəhs edilmişdir. O, qeyd etmişdir ki, 1895-ci ildə Türkiyə türk ədəbiyyatının həyatında yеni dövrün - ''Sərvəti-fünun'' mərhələsinin başlanğıcı qоyulmuş, Tоfiq Fikrət, Cənab Şəhabəddin, Faiq Əli, Mеhmеd Rauf və digər sənətkarların üzvü оlduğu bu ədəbi hərəkat ədəbiyyatın yеni mоdеlinin yaranmasına səbəb оlmuşdur. Bu ədəbi hərəkatda fransız ədəbi təsiri ilə fransız rеalistlərinin ''sənət üçün sənət'' mеylli ədəbiyyat cərəyanı mеydana gəlmişdir. Həmçinin, “Fəcri-ati”cilər hərəkatından bəhs edərək, onların türk ədəbi dilini sadələşdirməsindən və yabançı sözlərdən, qеyri-milli qaydalardan təmizləmələrindən bəhs etmişdir.
Məruzə ətrafında geniş və maraqlı müzakirələr aparılmış, elmi seminarın rəhbəri professor Rüstəm Kamal yekun nitqi söyləmişdir.