OYU-nun dosenti “International Agro Business Forum-2023” forum-sərgidə iştirak etmişdir

01 Mart, 2023

OYU-nun dosenti “International Agro Business Forum-2023” forum-sərgidə iştirak etmişdir

Odlar Yurdu Universitetinin Strateji planlaşdırma və layihələr departamentinin müdiri, dos. Fuad İbadov Türkiyə Cümhuriyyəti Kənd Təsərrüfatı və Meşə Təsərrüfatı Nazirliyinin tərəfdaşlığı, Kiçik və Orta Biznes Subyektləri və Klublarının Assosiasiyasının (KOBSKA) və Agro Tv Azərbaycanın təşkilatçılığı ilə “International Agro Business Forum-2023” forum-sərgidə iştirak etmişdir.
Forum-sərginin keçirilməsində əsas məqsəd kənd təsərrüfatı sahəsində fəaliyyət göstərən mikro, kiçik və orta sahibkarlıq subyektlərinin satış imkanlarının artırılması, Azərbaycan və Türkiyə KOB subyektləri arasında əməkdaşlığın genişləndirilməsi, eləcə də xidmət və məhsullarının tanıtdırılması, aqro sahədə olan yeniliklər haqqında sahibkarların maarifləndirilməsi, yeni istehsal sahələri və istehsalın məhsuldarlığının artırılması üçün şəbəkələşmənin qurulmasıdır.
Qeyd edək ki, forum-sərgidə Azərbaycan, Türkiyə, İsrail, Rusiya Federasiyası, Almaniya, Fransa, Pakistan, Özbəkistan, Qazaxıstan və Macarıstandan olan 100-dən artıq iş adamı iştirak edir və 40-dan çox kənd təsərrüfatı sahəsində fəaliyyət göstərən Azərbaycan və türk şirkətləri öz məhsullarını və xidmətlərini təqdim edirlər.