Odlar Yurdu Universitetinin və Odlar Yurdu Kollecinin tələbələrini və gənclərini 2 Fevral – Gənclər Günü münasibətilə təbrik məktubu
02 Fevral, 2024
Hörmətli Odlar Yurdu Universitetinin və Odlar Yurdu Kollecinin tələbələri və gəncləri,
Sizi 2 Fevral – Gənclər Günü münasibətilə təbrik edir, hər birinizə sağlamlıq, uğur və yeni hədəflərə doğru inamla addımlamağınız üçün sarsılmaz iradə arzulayıram. Bu gün, gənclərin cəmiyyətdəki inkişafındakı və gələcəyin qurulmasındakı əvəzsiz rolunu bir daha vurğulayır.
Təbii ki, bu əlamətdar tarix gənclərə həmişə böyük diqqət və qayğı ilə yanaşmış, onların problemlərinin həlli istiqamətində həyata keçirilən tədbirlərə xüsusi önəm vermiş, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirmiş Ümummilli Lider Heydər Əliyevin adı ilə bağlıdır. Hal-hazırda möhtərəm Prezidentimiz cənab İlham Əliyev tərəfindən uğurla davam etdirilən bu siyasətin nəticəsi olaraq gənclərimiz dövlətçiliyə bağlı, milli düşüncəyə malik intellektual, yüksək dünyagörüşlü şəxsiyyət kimi formalaşmış gənclərdir.
Gənclik, hər bir cəmiyyətin ən dəyərli sərvətidir və ölkəmizin gələcəyini formalaşdıran ən güclü qüvvədir. Odlar Yurdu Universiteti və Odlar Yurdu Kollecində təhsil alan hər bir tələbə, həm öz sahəsində, həm də cəmiyyətin müxtəlif sahələrində mühüm dəyişikliklər etmək potensialına malikdir. Sizlər, əldə etdiyiniz bilik və təcrübə ilə yalnız öz həyatınızı deyil, həm də ölkəmizin inkişafını təmin etmək üçün mühüm rol oynayacaqsınız.
Sizlər, Ümummilli Liderin və Prezidentimizin siyasətini öz həyatınızda gerçəkləşdirərək, gələcəyin peşəkarları, alimləri və mütəxəssisləri olmağa doğru addımlayır, müasir dövrün tələblərinə uyğun olaraq, həmçinin milli dəyərlərimizi qoruyaraq gələcək nəsillərə nümunə olacaqsınız. Mən əminəm ki, sizlər xalqımıza, şanlı tariximizə, milli dəyərlərimizə sadiq qalacaq, vətənimiz, Bütöv Azərbaycan, Turan adına hələ çox qürurverici uğurlara imza atacaqsınız.
Bir daha Gənclər Günü münasibətilə təbrik edir, həyatınızın hər bir səhifəsində sevinc dolu anların bol olması diləyilə ən xoş arzularımı çatdırıram. Sizlər, ölkəmizin gələcəyini formalaşdıracaq yeni nəsilsiniz və biz sizinlə fəxr edirik, Azərbaycan gəncləri! Bayramınız mübarək!
Dərin hörmətlə,
Professor Əhməd Vəliyev
Odlar Yurdu Universitetinin rektoru
Sizi 2 Fevral – Gənclər Günü münasibətilə təbrik edir, hər birinizə sağlamlıq, uğur və yeni hədəflərə doğru inamla addımlamağınız üçün sarsılmaz iradə arzulayıram. Bu gün, gənclərin cəmiyyətdəki inkişafındakı və gələcəyin qurulmasındakı əvəzsiz rolunu bir daha vurğulayır.
Təbii ki, bu əlamətdar tarix gənclərə həmişə böyük diqqət və qayğı ilə yanaşmış, onların problemlərinin həlli istiqamətində həyata keçirilən tədbirlərə xüsusi önəm vermiş, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirmiş Ümummilli Lider Heydər Əliyevin adı ilə bağlıdır. Hal-hazırda möhtərəm Prezidentimiz cənab İlham Əliyev tərəfindən uğurla davam etdirilən bu siyasətin nəticəsi olaraq gənclərimiz dövlətçiliyə bağlı, milli düşüncəyə malik intellektual, yüksək dünyagörüşlü şəxsiyyət kimi formalaşmış gənclərdir.
Gənclik, hər bir cəmiyyətin ən dəyərli sərvətidir və ölkəmizin gələcəyini formalaşdıran ən güclü qüvvədir. Odlar Yurdu Universiteti və Odlar Yurdu Kollecində təhsil alan hər bir tələbə, həm öz sahəsində, həm də cəmiyyətin müxtəlif sahələrində mühüm dəyişikliklər etmək potensialına malikdir. Sizlər, əldə etdiyiniz bilik və təcrübə ilə yalnız öz həyatınızı deyil, həm də ölkəmizin inkişafını təmin etmək üçün mühüm rol oynayacaqsınız.
Sizlər, Ümummilli Liderin və Prezidentimizin siyasətini öz həyatınızda gerçəkləşdirərək, gələcəyin peşəkarları, alimləri və mütəxəssisləri olmağa doğru addımlayır, müasir dövrün tələblərinə uyğun olaraq, həmçinin milli dəyərlərimizi qoruyaraq gələcək nəsillərə nümunə olacaqsınız. Mən əminəm ki, sizlər xalqımıza, şanlı tariximizə, milli dəyərlərimizə sadiq qalacaq, vətənimiz, Bütöv Azərbaycan, Turan adına hələ çox qürurverici uğurlara imza atacaqsınız.
Bir daha Gənclər Günü münasibətilə təbrik edir, həyatınızın hər bir səhifəsində sevinc dolu anların bol olması diləyilə ən xoş arzularımı çatdırıram. Sizlər, ölkəmizin gələcəyini formalaşdıracaq yeni nəsilsiniz və biz sizinlə fəxr edirik, Azərbaycan gəncləri! Bayramınız mübarək!
Dərin hörmətlə,
Professor Əhməd Vəliyev
Odlar Yurdu Universitetinin rektoru
