Yaradıcılıq prosesi: Təbiət və texnologiya fakültəsinin 2-ci kurs tələbələrimizin rəsm dərsi
10 Oktyabr, 2024
Odlar Yurdu Universitetinin Təbiət və texnologiya fakültəsinin 2-ci kurs tələbələri, rəsm dərsində sənətin zəngin dünyasında dərin bir səyahət edirlər. Bu dərs, tələbələrə yaradıcılıq qabiliyyətlərini inkişaf etdirmək və öz fərdi ifadələrini kağız üzərinə yansıtmaq imkanı tanıyır.
Dizayn kafedrasının baş müəllimi Alim Məmmədovun rəhbərliyi altında, tələbələr heykəllərin detallarını, kölgələrini və formalarını diqqətlə izləyərək, öz yaradıcılıq proseslərini həyata keçirirlər. Hər bir tələbə, çəkdikləri əsərlərdə yalnız görüntünü deyil, eyni zamanda daxili duyğularını və düşüncələrini ifadə etməyə çalışır.
Bu dərs, tələbələrə sənət vasitəsilə öz daxili aləmlərini ifadə etməyi və estetik baxışlarını genişləndirməyi öyrədir.
Hər bir çəkilmiş əsər, təkcə bir rəsmdən ibarət olmayıb, eyni zamanda bir hekayədir, bir yaradıcı yolçuluğun başlanğıcıdır.
Beləliklə, Təbiət və Texnologiya Fakültəsinin tələbələri, Odlar Yurdu Universitetində yaradıcılıq dünyasına qədəm qoyaraq, gələcəyin peşəkarları kimi formalaşırlar.
