18 Oktyabr - Müstəqilliyin Bərpası Günüdür
18 Oktyabr, 2024
Odlar Yurdu Universitetinin professor-müəllim heyəti və tələbələri adından Sizi Oktyabrın 18-i – Müstəqilliyin Bərpası Günü münasibətilə dərin qürur və böyük sevinc hissi ilə təbrik edirik! 1991-ci ildə xalqımız öz tarixi iradəsini nümayiş etdirərək, əsrlər boyu arzuladığı müstəqilliyə yenidən qovuşdu. Bu müqəddəs gün, Azərbaycanın dövlətçilik ənənələrinin bərpası və millətimizin azadlıq eşqinin təntənəsi kimi tarixə həkk olundu.
Bu böyük bayram, yalnız keçmişimizin deyil, həm də gələcəyimizin güvəncidir. Müstəqil Azərbaycan, öz suverenliyini qoruyaraq, bütün sahələrdə, o cümlədən təhsil, elm və mədəniyyət sahələrində dünya miqyasında möhkəm addımlarla irəliləməkdədir.
Biz – Odlar Yurdu Universitetinin professor-müəllim heyəti və tələbələri olaraq, müstəqil dövlətimizin inkişafına töhfə vermək üçün daim əzmlə çalışırıq və Azərbaycanın parlaq gələcəyinə sarsılmaz inamla baxırıq.
Müstəqillik – xalqımızın ən qiymətli sərvətidir və bu dəyərli əmanəti gələcək nəsillərə ötürmək hər birimizin müqəddəs borcudur. Azərbaycan xalqının milli birliyi, güclü iradəsi və dövlətçilik ənənələri müstəqilliyimizin əbədi olacağını bir daha təsdiqləyir.
Bu əlamətdar gündə, xalqımıza və doğma vətənimizə rifah, sülh və davamlı inkişaf arzulayırıq!
Azərbaycanın müstəqilliyi əbədi və dönməzdir!
Bayramınız mübarək olsun!
