Odlar Yurdu Universitetində imtahan prosesi

Hazırda ölkəmizin bütün ali təhsil müəssisələrində qış imtahan sessiyası davam etməkdədir. Odlar Yurdu Universitetində tədris prosesi və imtahanların təşkili üzrə bütün məsələlər ali təhsil ocağında yaradılmış elektron universitet portalı vasitəsilə nəzarətə götürülür. Bu sistem, tələbələrə imtahanların nəticələrini anında görmək və dərhal qiymətləndirmələri izləmək imkanı yaradır.

İmtahanlar həm yazılı, həm də test imtahanları formasında keçirilir. Test imtahanlarının nəticələri dərhal elektron sistemə qeydə alınır və tələbələr cavablarını təsdiq etdikdən sonra nəticələri komputerin ekranında görürlər. Yazılı imtahanlar da eyni səviyyədə ciddi nəzarətə götürülüb. Yazılar əvvəlcə şifrələnir, sonra yoxlanılır və həmin günün sonunda qiymətlər tələbələrə elan edilir.

Hər günün sonunda isə bütün imtahan nəticələri universitetin elektron portalında yerləşdirilir. Bu yanaşma imtahan prosesinin şəffaf və effektiv olmasını təmin edir, eyni zamanda tələbələrin nəticələri ilə bağlı hər hansı bir sual yaranarsa, sistemdə dərhal aydınlıq gətirilir.

Tələbələr də imtahanların yüksək səviyyədə və obyektiv keçdiyini bildirirlər. Onlar, həmçinin, imtahan zamanı yaradılan əlverişli şəraitdən məmnun olduqlarını və biliyinin qiymətləndirilməsinin şəffaf və ədalətli şəkildə təşkil olunduğunu vurğulayırlar. Bu yanaşma, universitetin tələbələrinə daha yaxşı təhsil imkanları təqdim etməyə və onların akademik fəaliyyətlərini dəstəkləməyə yönəlmiş mühüm addımlardan biridir.