Odlar Yurdu Universitetində yeni Tələbə Gənclər Təşkilatının sədri seçilib

Odlar Yurdu Universitetində Tələbə Gənclər Təşkilatının (TGT) hesabat-seçki konfransı keçirilib. Konfransda universitetin professor-müəllim heyəti və tələbələr iştirak ediblər.

Konfransın əvvəlində, TGT-nin sədri Səbinə Fərmanova 5 illik fəaliyyəti barədə geniş hesabat təqdim edib. Fərmanova bildirib ki, bu müddət ərzində təşkilatın üzvləri və könüllüləri universitetin müxtəlif tədbirlərində aktiv iştirak edərək, universitetlərarası yarış və müsabiqələrdə universiteti layiqincə təmsil ediblər. Tələbələrin bu səyləri yüksək qiymətləndirilib və TGT-nin fəaliyyətinin böyük uğurla həyata keçirildiyi vurğulanıb.

Daha sonra, yeni TGT sədri seçilmək üçün namizədlər təqdim olunub. Səsvermə yolu ilə Odlar Yurdu Universitetinin Tələbə Gənclər Təşkilatının yeni sədri seçilib. TGT-nin İdarəetmə Şurasının səs çoxluğu ilə Səftər Ağayev yeni sədri seçilib.

Səftər Ağayev çıxış edərək ona göstərilən etimada görə təşəkkür edib və gələcək planları barədə danışıb. O, gənclərin universitetdə daha fəal və yaradıcı fəaliyyətlər göstərməsi, həmçinin TGT-nin universitetin sosial və mədəni həyatında daha çox rol oynaması üçün çalışacağına söz verib.

Bu seçkilə Odlar Yurdu Universiteti Tələbə Gənclər Təşkilatında yeni dövrün başlanğıcı qoyulub və universitetin gənc liderləri gələcəkdə daha böyük uğurlar əldə edəcəyinə inam artırılıb.