Odlar Yurdu Universitetində Səməd Vurğunun anadan olmasının 115 illiyinə həsr olunmuş konfrans keçirilib

Odlar Yurdu Universitetində Xalq şairi, görkəmli dramaturq, alim və ictimai xadim Səməd Vurğunun anadan olmasının 115 illiyinə həsr olunmuş videoformatda onlayn “Respublika elmi-praktik konfransı” keçirilib.

Konfransı giriş sözü ilə Odlar Yurdu Universitetinin rektoru, professor Əhməd Vəliyev açıb. Professor Vəliyev, Səməd Vurğunun ədəbiyyatımızın qızıl fondundan olan əsərlərindən və onun Azərbaycan poeziyasına təsirindən bəhs edib. Rektor, çıxışı zamanı Ulu öndər Heydər Əliyevin Xalq Şairi Səməd Vurğuna olan hörmətini və onun irsini yüksək qiymətləndirməsini vurğulayıb.

Konfransda Milli Məclisin deputatı, Odlar Yurdu Universitetinin Filologiya və Humanitar Fənlər Kafedrasının müdiri, akademik Nizami Cəfərov “Səməd Vurğun irsi və azərbaycançılıq”, kafedranın müdir müavini Osman Musayev “Səməd Vurğun ədəbiyyatşünas alim kimi” və kafedranın müəllimi fil.f.d. Aynurə Paşayeva “Səməd Vurğunun uşaq ədəbiyyatının inkişafındakı rolu” mövzularında çıxış ediblər.

Məruzəçilərin təqdimatından sonra, Odlar Yurdu Universitetinin tələbələri Səməd Vurğunun yaradıcılığından nümunələr təqdim edərək bədii hissəni davam etdiriblər. Tələbələr arasında Səbinə Məmmədova “Ana”, Mətanət Şahpələngova və digər iştirakçılar müxtəlif şeirlər və əsərlərindən parçalar oxuyublar.

Konfrans Səməd Vurğunun irsini və onun ədəbi sahəyə töhfələrini bir daha vurğulayan maraqlı müzakirələrlə yekunlaşıb.