Azərbaycan Respublikasının birinci xanımı Mehriban Arif qızı Əliyevaya

Çox hörmətli Mehriban xanım,

Sizi doğum gününüz münasibətilə Odlar Yurdu Universiteti və Odlar Yurdu Kollecinin kollektivi və tələbələri adından səmimi qəlbdən təbrik edir, Sizə möhkəm can sağlığı, ailə səadəti və həyatınızın hər sahəsində ən böyük uğurlar arzulayırıq.

Siz, Azərbaycanın ən hörmətli və ən dəyərli şəxslərindən biri olaraq, həm öz zəngin mənəvi dünyanız, həm də cəmiyyətə göstərdiyiniz sonsuz fədakarlığınızla xalqımızın qəlbində əvəzsiz bir yer tutursunuz. Müstəqillik illərində Siz, Azərbaycanın birinci xanımı olaraq, yalnız ölkəmizin sosial və mədəni inkişafında deyil, həm də humanitar sahədəki təşəbbüslərinizlə böyük töhfələr vermiş, xeyriyyəçilik fəaliyyətinizlə insanların həyatına dərindən təsir etmisiniz. Sizin fədakarlığınız və əzmkarlığınız, Azərbaycan xalqı tərəfindən hər zaman böyük qiymət almış və yaddaşlarda qalacaqdır.

Əziz Mehriban xanım, əminik ki, Siz, möhtərəm Prezidentimiz Cənab İlham Əliyevin yanında, Azərbaycanın daha da inkişafına, xalqımızın rifahının yüksəlməsinə öz misilsiz töhfələrinizi verməyə davam edəcək, həm ölkəmizdə, həm də beynəlxalq aləmdə ölkəmizi daha güclü bir mövqeyə gətirəcəksiniz. Sizin bu yolda atdığınız hər addım, xalqımızın daha parlaq gələcəyinə və müstəqil Azərbaycanımızın möhkəm zəmin üzərində inkişafına xidmət edir.

Siz, yalnız Azərbaycanın deyil, bütün dünyada sülh və barışın təbliğçisi olan bir şəxsiyyət olaraq, hər zaman insani dəyərləri yüksək tutub, Azərbaycanın adını dünya miqyasında layiqincə təmsil etmisiniz.

Bir daha, Sizi ad gününüz münasibətilə ürəkdən təbrik edir, Ulu Öndərimizin şah əsəri olan müstəqil Azərbaycanımızın inkişafına və xalqımızın xoşbəxt gələcəyinə verdiyiniz töhfələrin davamlı olmasını diləyirik. Ulu Tanrı Sizi qorusun, həyatınızda hər zaman uğur və xoşbəxtlik sizinlə olsun!

Allah Sizi qorusun! Ulu Tanrı köməyiniz olsun!

Ən yüksək hörmətlə və ehtiramla,
Professor Əhməd Vəliyev
Odlar Yurdu Universitetinin rektoru