İqtisadiyyat və iqtisadi münasibətlər kafedrasının müəllimi Kristina Məmmədova Gənc Sahibkarların III Forumunda spiker qismində çıxıb edib

27 Noyabr, 2022

İqtisadiyyat və iqtisadi münasibətlər kafedrasının müəllimi Kristina Məmmədova Gənc Sahibkarların III Forumunda spiker qismində çıxıb edib
Gənc Sahibkarların III Forumu Tovuz şəhərində keçirilmişdir. Gənclər və İdman Nazirliyi, Kiçik və Orta Biznesin İnkişafı Agentliyi və Gənclər Fondunun birgə təşkilatçılığı keçirilən bu forumun məqsədi gənclər arasında sahibkarlıq fəaliyyətinin təşviqi, mövcud dövlət dəstəyi mexanizmləri barədə onların məlumatlandırılması, yeni imkanlar və çağırışlar barədə fikir və təkliflərinin öyrənilməsindən ibarətdir.
Forumun rəsmi açılış mərasimindən sonra, müxtəlif mövzularda panel müzakirələr və uğur qazanmış gənclər çıxış ediblər. Əsas başlığı “Gənc sahibkarlara dövlət dəstəyi: imkanlar və çağırışlar” mövzusunda olan panel müzakirələrdə Kiçik və Orta Biznesin İnkişafı Agentliyi, Dövlət Məşğulluq Agentliyi, Kənd Təsərrüfatı Nazirliyi yanında Aqrar Kredit və İnkişaf Agentliyi, Sahibkarlığın İnkişafı Fondu, Ailə Biznesinə Asan Dəstək publik hüquqi şəxsi və Dövlət Vergi Xidmətinin məsul əməkdaşları öz qurumlarının gənc sahibkarlarla bağlı həyata keçirdiyi işlər və sahibkarlara dövlət dəstəyi mexanzimləri barədə iştirakçılarla birgə müzakirələr aparıblar.
III Forumda tədbirdə Odlar Yurdu Universitetinin İqtisadiyyat və iqtisadi münasibətlər kafedrasının müəllimi Kristina Məmmədova, həmçinin Gənclər və Idman naziri Fərid Qayıbov, Tovuz rayon İcra Hakimiyyətinin başçısı Məmməd Məmmədov, Gənclər Fondunun icraçı direktoru Fərid Cəfərov, Dövlət Məşğulluq Agentliyinin İdarə Heyətinin sədri Mustafa Abbasbəyli, Sahibkarlığın İnkişafı Fondunun İdarə Heyətinin sədri Osman Xaliyev çıxış ediblər.