Bu gündən başlayaraq Beynəlxalq STEAM Azərbaycan Festivalı Azərbaycan Respublikası Elm və Təhsil Nazirliyinin təşkilatçılığı ilə 9 dekabr tarixinədək Bakı Ekspo Mərkəzində keçiriləcək.
Ümumilikdə 1300-dən çox iştirakçının qatıldığı festivalda yarışlar 11 kateqoriya üzrə keçiriləcəkdir.
Festivala 7 xarici ölkədən 127 əcnəbi iştirakçı qatılmışdır.
Odlar Yurdu Universitetini STEAM Azərbaycan Festivalının "Hackathon" kateqoriyasında “Smart Irrigation” komandası təmsil edir.
Komandanın üzvləri:
Dos. Fuad İbadov - OYU-nun Strateji planlaşdırma və layihələr departamentinin müdiri
Könül Cəfərova - OYU-nun bakalavr tələbəsi (Kompüter mühəndisliyi);
Etibar Həmidov - OYU-nun MBA tələbəsi (Biznesin təşkili və idarə edilməsi (Bank işi));
Nicat Quliyev - OYU-nun MBA tələbəsi (Biznesin təşkili və idarə edilməsi (İdarəetmədə informasiya sistemləri)).
Nəzərinizə çatdıraq ki, “Smart Irrigation” komandası yarışın ilk mərhələsində 138 komanda arasında final mərhələsinə yüksələrək 15-ci yeri tutmuşdur.
Odlar Yurdu Universitetinin “Smart Irrigation” komandasına bu festivalda uğurlar arzu edirik!