Odlar Yurdu Universitetində magistratura: diplomdan karyeraya aparan yol

Müasir dövrdə magistratura sadəcə diplom deyil, karyera mərhələsidir. Odlar Yurdu Universitetində magistratura təhsili tələbəyə yalnız nəzəri bilik yox, praktiki bacarıqlar, analitik düşüncə və əmək bazarına uyğun kompetensiyalar qazandırır. Proqramlarımız real sektorun tələblərinə uyğun formalaşdırılıb.

Bu fikirləri Odlar Yurdu Universitetinin Strateji inkişaf və karyera departamentinin rəhbəri Aslan Əzimzadə bildirib. Onun sözlərinə görə, Odlar Yurdu Universiteti olaraq əsas üstünlüyümüz təcrübəli professor-müəllim heyəti, müasir tədris metodları və praktikaya əsaslanan yanaşmadır:

"Magistrantlarımız real layihələrdə iştirak edir, tədqiqat aparır və iş dünyası ilə birbaşa təmas qurur. Bu da məzunlarımızın iş tapmaq imkanlarını ciddi şəkildə artırır. Gənclər burada ixtisaslaşır, öz sahəsində dərin bilik əldə edir və gələcək karyerasını planlı şəkildə qurur. OYU magistraturası gənclərə həm akademik inkişaf, həm də idarəetmə və liderlik bacarıqları qazandırır. Magistratura gələcəyinizə qoyulan ən doğru investisiyalardan biridir. Keyfiyyətli təhsil, güclü müəllim heyəti və real karyera imkanları axtarırsınızsa, Odlar Yurdu Universiteti doğru ünvandır".