OYU-nun Biologiya və Ekologiya kafedrasının elmi-metodiki seminarı keçirilmişdir
23 Oktyabr, 2023
Odlar Yurdu Universitetində Biologiya və Ekologiya kafedrasının təşkilatçılığı ilə “KRAS və Pi3K mutasiyanın endometrial hüceyrə karzinogenezində rolu. KRAS və Pi3K mutasiyalı endometrial karsinoma toxumasının müxtəlif müvafiq inhibitorlarla eksperimental mono və kombinasiyalı terapiyası” adlı seminar keçirilmişdir.
İlk öncə, seminarı OYU-nun Biologiya və Ekologiya kafedrasının müdiri, prof. Ramazan Məmmədov açaraq, iştirakçıları salamlamaqdan məmnunluğunu ifadə etmiş və seminar haqqında ümumi məlumat vermişdir.
Sonra Odlar Yurdu Universitetinin doktorantı, "2023-2027 Dövlət Proqramı" çərçivəsində Almaniyanın Frankfurt şəhərində yerləşən "Goethe University" ali təhsil müəssisəsində molekulyar biologiya və onkologiya istiqamətinin molekulyar onkologiya ixtisası üzrə doktorantura təhsili alan Bahar Qasımlı çıxış edərək tədbirin keçirilməsində öz dəstəyinə görə Odlar Yurdu Universitetinin rəhbərliyinə minnətdarlığını bildirmiş və seminarın mövzusu haqqında ətraflı məlumat vermişdir.
OYU-nun professor-müəllim heyəti və tələbələr tərəfindən olduqca maraqla qarşılanan seminar sual-cavab sessiyası ilə davam etmişdir.
Qeyd edək ki, seminarda Odlar Yurdu Universitetinin Elmi işlər üzrə prorektoru, prof. Tərlan Abdullayev, Biologiya və Ekologiya kafedrasının müdiri, prof. Ramazan Məmmədov, müdir müavini, dos. Tamilla Kərimova, kafedranın professor-müəllim heyəti, Keyfiyyətin təminatı və qiymətləndirilmə departamentinin rəhbəri, prof. Eldar Hüseynov, Təbiət və texnologiya fakültəsinin tələbələri iştirak etmişlər.
